اللهم اني لا اسئلك رد القضاء انما اسألك الرفق به
سؤالي الوحيد ليش؟
يعني بعد الحالة النغسية الفظيعة اللي كنت فيها
املي الوحيد اللي قلت يمكن يفرحني
و يخليني اتشبث و لو شوي بالحياة
بعد ما قلت للكون ان الحياة ما تستاهلني
و عطيت نفسي الحق اني اقول اني ما استاهل اعيش
..
و اخيرا طلعت الدرجات و الكل مترقب
هالفصل تخليت عن اشياء كثيرة و ضغطت
على نفسي و استحملت و كلي امل ارفع
درجاتي الاقي بالنهاية ان الدرجات
نزلت اكثر من قبل
لا اله الا الله
فيني دموع الدنيا انهار بعد ما بديت
اخذ كم قطرة امل حطمني هالشي
لا غير مصيبة ان الفصل الجاي لازم اتصرف
و الا بتأخر سنتين و فصل
لا اله الا الله
و اه يالقهر لما اشوف الناس اللي تتملق
الدكاترة و ينافقونهم عندهم اعلى
الدرجات يا دنيا انا عندي كرامة
و مستحيل انزل نفسي لمستوى المنافقين
و الدكاترة اللي يا عيني عليهم
يمدحون اعمالي و ما اخليهم غير لما
يتأكدون انها خالية من العيوب
و بالنهاية سي
يا عيني عليك يا حسام الدين (قسام الدين)
محلا ابتسامتك الخادعة و جملك اللي دوم تنتهي بقوافي
و الضحك و الطيبة اللي تفيض من عيونك
اخرتها هذا اللي استاهله لاني كنت دايما
اخلص اعمالي اول بأول
حتى قبل لا تتركها
و الاشعار و الجمل المنمقة اللي تمدح فيها اعمالي
اللهم اني لا اسألك رد القضاء
و انت يا مجمد علي و الله انك فن ع اصوله
ع قعدتي بأيام الخميس و الجمعة و تعبي و شقاي
مع الالوان و الكراتين و الكترات
و سهر الليالي و التعب
و اخرتها .. اللهم اني لا أسألك رد القضاء
و انت عاد يا الحلاق مالي كلام عندك
اللهم اني لا أسألك رد القضاء
حسبي الله و نعم الوكيل
من زمان ما حسيت اني مظلوم بحياتي جذي
اذا هذا نصيبي من الفصول الجاية
و ربي ليه التعب و انا ليه
ضاغط عن نفسي و مهتم
اذا كنت كل فصل اقول انا السبب و اكمل بابتسامة خادعة
و اكذب ع نفسي و اقول
مو من الدنيا .. الغلط مني انا
لكن ليش ما اكون انا صح و لو مرة
و ربي تعبت من كرهي لنفسي
كل مرة ارجع الخط لي انا لكن
هالمرة بقول و مالي غير ربي
حسبي الله و نعم الوكيل
فيني قهر و دموع و سد الذكريات انهار
ع ايام التعب و الشقى
و الاهتمام يا ربي متى بتخرج
تراني صابر و مالي غير ربي
اشكي له لكن ما رح اتغير
انا مثل ما انا
و ادري انكم تفضلون تعطوني درجات لاني (غلبان) و ع قد حالي
لكن ربي يحاسبكم
و رب الكون استاهل درجات اكثر
لكن امري لله
و اقول الحمد لله على كل شي
لكن النار اللي مشتعله فيني ما يطفيها
بحر و لا نهر
..
الحمد لله رب العالمين
انا راضي بنصيبي
لكن دعوة المظلوم ما ترد و انا متأكد
ان حقي ما ضايع
0 comments:
Post a Comment